Otsailaren 4an Basurtuko kaleek, Euskal Herrian hain sustraitutako jaiade  Santa Ageda bezpera ere ospatzen dute, BETI JAI ALAI taldearen eskutik.

Taldeko kideak, behingoko koru bat osaturik, auzoko bazterrik bazter dabiltza abesten, musika lagun eta, nola ez, makilik, farolik eta poltserorik falta gabe, usadioa den bezala. Azpimarratzeko da auzotarrek nola errazten duten poltseroen lana, goiko lehioetatik jaurtikiz txanponak paperean bilduta, koruaren lana saritu nahian. Eskuzabaltasuna are nabariago da dendarien aldetik, tabernarien aldetik batez ere.